ოცნების სახლი სიეტლის ტყეში

LkForest1

არქიტექტურულმა კომპანიამ Finne Architects გასული საუკუნის 50-იან წლებში აშენებული ნაგებობის რეკონსტრუქციაზე მუშაობა დაასრულა.

LkForest2

სახლი სიეტლის ჩრდილოეთით 25 კილომეტრში, შუა ტყეში მდებარეობს. Finne Architects-მა სახლი მთლიანად გადააკეთა, თუმცა ერთგვარი „სიძველის სული“ მაინც შენარჩუნებულია.

LkForest9

ახალი ფანჯრები, ხის მასალით მოპირკეთებული ინტერიერი, შუშის სახურავი, ოთახების ხელახალი დაგეგმარება – ეს ყველაფერი ისე შესრულდა, რომ ვიზუალურად სივრცე უფრო დიდი გამოჩენილიყო, ვიდრე სინამდვილეში იყო.

LkForest3

ყოველი ოთახიდან ტყის არაჩვეულებრივი ხედი იშლება. სახლის დიზაინი ისეა ჩაფიქრებული, რომ ის მაქსიმალურად უბრალოდ, ე.წ. მწვანე შენობების მსგავსად გამოიყურებოდეს. ამგვარად, ის ერთი მხრივ, ტყის ქოხის შესახებ წარმოდგენას შეესაბამება, მეორე მხრივ კი იდეალურად მოწყობილი თანამედროვე საცხოვრებელის სტანდარტებში ჯდება.

დაათვალიერეთ ტყის სახლის კიდევ რამდენიმე ფოტო:

LkForest4LkForest5LkForest6LkForest7LkForest8